Samkvæmt Stangveiðifélaginu Lax-á, sem heldur utan um sölu á veiðileyfum í Stóru-Laxá og tvö veiðisvæði í Soginu, er veiði þar ekki komin í gang.
Fram kemur að Stóra-Laxá sé enn gríðarlega vatnsmikil og illveiðanleg, en vatnsmagn fer þó minnkandi. Frést hefur af einum skráðum laxi fyrir landi Syðri-Brúar í Sogi, en Ásgarðssvæðið hefur enn ekki gefið lax.
Góðu fréttirnar eru hins vegar frá Blöndu og öll efri svæðin hafa nú gefið fisk þar. Heyrðist af einum degi á svæði 2 fyrir nokkrum dögum sem gaf sjö laxa. Þá lönduðu veiðimenn á svæði 4 í Blöndu fjórum löxum fyrir stuttu, þar af var einn lúsugur smálax. Mikil veiði hefur verið á neðsta svæðinu undanfarið og hafa verið að veiðast allt að 30 laxar á dag. Meirihlutinn af því sem veiðist er stórlax.
Af Langadalsá og Hvannadalsá er lítið að frétta og hefur ekkert heyrst af aflabrögðum hingað til en þar er víst mikið vatn og árnar búnar að vera í flóði frá því veiði hófst.
Svipuð saga er með Eystri-Rangá, þar sem þó hefur eitthvað kroppast upp. Áin er mjög vatnsmikil en þó ekki lituð samkvæmt síðustu fréttum. Það sem veiðst hefur fram að þessu er mestallt vel haldinn stórlax.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |