Veiði | mbl | 6.10.2015 | 9:36 | Uppfært 10:20

Veiði lokið í Andakílsá

Frá Andakílsá. svfa.is

Fram kemur á vef Stangveiðifélags Reykjavíkur að frábæru sumri sé nú lokið í Andakílsá í Borgarfirði.

Þegar búið var að gera upp veiðibókin kom í ljós að 397 löxum var landað þar í sumar, en sumarið 2014 voru 374 laxar skráðir. Veitt er á tvær stangir í Andakílsá og því er meðalveiði á hverja dagsstöng góð.

Þetta er líklega þriðja besta veiði í ánni, en meðalveiði í gegnum tíðina hefur verið tæpir 200 laxar. Sumrin 2008 og 2009 voru í algjörum sérflokki þegar veiddust 839 og 709 laxar.

Andakílsá á upptök sín í Skoradalsvatni og er laxgeng að Andakílsárfossum sem er tæpa átta kílómetra frá sjó.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.