Ráðist í vegbætur við Straumfjarðará

Samkvæmt upplýsingum frá leigutökum að Straumfjarðará á Mýrum þá verður ráðist í vegbætur við ána fyrir næsta sumar. Þá verður neðsta svæðið í ánni mun aðgengilegra.

Er þetta svæði jafnan besta veiðisvæðið í ánni, einkum fyrri hluta veiðitímans, en þar er meðal annars að finna Sjávarfoss sem er fyrsta fyrirstaðan fyrir laxinn á leið sinni upp ána. Er hann að jafnaði besti veiðistaður árinnar auk þess sem þar er góð veiðivon á sjóbirtingi og bleikju. Í sumar sem leið brá hins vegar svo við að næsti veiðistaður þar fyrir neðan, Snasi, gaf flesta laxa.

Þessar vegbætur verið veiðimönnum til mikilla þæginda og þar með dregur úr akstri yfir ótrygg vöð og pytti sem geta reynst viðsjárverð í vatnavöxtum. Þá verður þægilegra að komast á óssvæðið við svokallaðan Nethamar og Sökkur, þar sem oft er afbragðs sjóbleikjuveiði.

• Blogga um frétt

Seinustu hundraðkallar sumarsins