Ekkert lát er á veiði í laxveiðiánum í Rangárþingi, mun betri veiði en á sama tíma í fyrra, en þær byggja allar á gönguseiðasleppingum.
Veiðin í Ytri-Rangá er mögnuð þessa dagana og komu 155 laxar á land í gær og áin komin í 2.018 laxa. Á sama tíma í fyrra voru komnir rúmlega 500 laxar á land, en þá endaði áin í 8.803 löxum. Ennþá er talsvert mikið af stórum fiski að ganga og allir veiðimenn sem taka þátt í gleðinni yfir sig glaðir og allir þegar lagt inn pöntun fyrir sömu veiðidögum næsta ár.
Þá er líka mjög góð veiði í Eystri-Rangá. Þar veiddust 60 laxar á fimmtudaginn og þá stóð heildarveiðin í 1.442 veiddum löxum. Á sama tíma í fyrra voru um rétt um 200 laxar komnir á land.
Þá kemur fram að átta laxar hafi verið í síðasta holli í Þverá í Fljótshlíð og er heildarveiðin þar 58 laxar.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |