Veiði | mbl | 18.7.2016 | 21:09 | Uppfært 21:51

Fín veiði í Jöklu

81 cm lax sem landað var í góða veðrinu í Hvalbak í Jöklu í gær. Snævarr Örn Georgsson

Fram kemur hjá Veiðiþjónustunni Strengjum sem annast leigu á veiðisvæðinu í kringum Jöklu á Jökuldal að þar sé mjög góð veiði og miklu betri en á sama tíma í fyrra.

Þann 16. júlí voru komnir 128 laxar á land en á sama degi í fyrra voru þeir einungis 14, en það var metár á vatnasvæðinu. Greint er frá því að enn þá eru að veiðast lúsugir stórlaxar og aðeins farið að bóla á smálaxi í bland.

Þá mun vatnsmagnið vera minna en í fyrra og áin í algjöru gullvatni þessa dagana. Mjög gott veður hefur verið eystra síðustu daga og í gær fór áin í 14°C og voru menn að fá flottar yfirborðstökur.

Þá kemur fram að aðeins hafi hægt á fyllingu Hálslóns og stefnir í að ágúst verði að mestu laus við yfirfall úr lóninu og áin verði vel veiðanleg fram að því.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.