Að sögn Þrastar Elliðasonar hjá Veiðifélaginu Strengjum hefur veiði á laxveiðisvæðum félagsins gengið ágætlega það sem af er sumri, þótt meira mætti vera af smálaxi.
Af Jöklusvæðinu sé búið að landa yfir tvö hundruð löxum en á sama tíma fyrir ári var búið að landa þar tæpum 130 löxum og þegar upp var staðið um haustið reyndist þar um metveiði að ræða. Svipuð veiði sé í Hrútafjarðará og í fyrra og er hún að nálgast tvö hundruð laxa.
Úr Breiðdalsá séu komnir rúmir 100 laxar. Þröstur sagði að júlí hefði verið góður og megnið af veiðinni fram að þessu verið fallegur stórlax. Aðeins hefði orðið vart við auknar smálaxagöngur síðustu daga.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |