Að sögn Atla Þórs Gunnarssonar, bónda á Mánaskál í Laxárdal í Refasveit, hefur veiðin í Laxá verið með ágætum þar í sumar.
Það kom mikið af stórlaxi í ár og var hann heldur snemma á ferðinni. Veiðin hefur verið ágæt í allt sumar og eru um 200 laxar komnir á land, en rúmlega 500 laxar veiddust þar í fyrra. Talsvert mikið er af stórlaxi í ánni og töluvert af 80 til 84 cm fiskum í afla veiðimanna, en þeir stærstu það sem af er sumeri eru 101 og 97 cm.
Að sögn Atla sýndu seiðatalningar þetta árið að allir árgangar eru í góðu standi enda hefur vorið og sumarið í ár verið einstaklega hlýtt. Atli kvaðst hafa trú á góðu smálaxaári árið 2017 og byggði það á niðurstöðu þessarar seiðamælingar.
Þá kom fram hjá Atla að mjög þurrt hefði verið í sumar og hefði rigningu vantað lengi og því væri áin sérstaklega vatnslítil. Hún ætti þó upptök sín þar sem væru miklar mýrar sem hefur reynst góð náttúruleg vatnsmiðlun í gegnum tíðina en allt ætti þó sín takmörk. L
<span>ax um alla á, allt frá ósi og langt inn eftir dal.</span>Það hefði því verið áberandi hvað fiskurinn stoppaði lengi þetta árið í Göngumannahyl sem væri væri stór og flottur veiðistaður og kvaðst Atli hafa talið þar allt að 60 laxa og þar af nokkra stóra kafbáta.
Atli sagði að lögð væri á það áhersla að sleppa stórlaxi og hrygnum yfir 70 cm því eigendur árinnar vildu endilega viðhalda stórlaxageninu sem þeir væru svo lukkulegir að hafa í stofni laxanna í þessari fallegu á.
Lengd á laxi | Veiðisvæði | Veiðimaður | Dagsetning Dags. |
---|---|---|---|
102 cm | Hvítá við Iðu | Ársæll Þór Bjarnason | 19. september 19.9. |
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |