Að sögn Jóhannesar Sigmarssonar, sem annast leigu á Norðlingafljóti í Hvítársíðu, hefur verið ágæt veiði frá því áin var opnuð undir lok júlí.
Nógur lax er í ánni þó að hann sé orðinn frekar tregur til að taka. Eitthvað gengur enn af laxi í Hafnará þaðan sem hann er svo fluttur upp í Norðlingafljót.
Komnir eru rúmlega 500 laxar í veiðibókina sem þýðir að enn eru yfir 400 óveiddir. Sagði Jóhannes að spænskir veiðimenn hefðu mikið verið við veiðar í ánni í sumar og hefðu þeir veitt vel. Dagana 17. til 19. ágúst voru samt íslenskir veiðimenn og höfðu þeir 58 laxa á fimm stangir.
Laxinn er vel dreifður upp um alla á og er óvenjumikið af stórum laxi í ánni. Veiðin í sumar er í heild búin að vera mjög góð og mikið um vænan tveggja ára lax í afla veiðimanna.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |
101 cm | Laxá í Aðaldal | Richard Jewell | 9. ágúst 9.8. |