Góð veiði í Norðlingafljóti

Að sögn Jóhannesar Sigmarssonar, sem annast leigu á Norðlingafljóti í Hvítársíðu, hefur verið ágæt veiði frá því áin var opnuð undir lok júlí.

Nógur lax er í ánni þó að hann sé orðinn frekar tregur til að taka. Eitthvað gengur enn af laxi í Hafnará þaðan sem hann er svo fluttur upp í Norðlingafljót. 

Komnir eru rúmlega 500 laxar í veiðibókina sem þýðir að enn eru yfir 400 óveiddir. Sagði Jóhannes að spænskir veiðimenn hefðu mikið verið við veiðar í ánni í sumar og hefðu þeir veitt vel. Dagana 17. til 19. ágúst voru samt íslenskir veiðimenn og höfðu þeir 58 laxa á fimm stangir.

Laxinn er vel dreifður upp um alla á og er óvenjumikið af stórum laxi í ánni. Veiðin í sumar er í heild búin að vera mjög góð og mikið um vænan tveggja ára lax í afla veiðimanna.

• Blogga um frétt

Seinustu hundraðkallar sumarsins