Mokveiði í Dölunum

Fréttir berast af mokveiði þessa daganna úr Laxá í Dölum í kjölfarið á lægðagangi og rigningu, en slíkt er nokkuð hefðbundið á þeim slóðum þegar komið er fram á haustið.

Fram kemur hjá Veiðifélaginu Hreggnasa sem annast leigu á ánni að það nú sé „hrikaleg veiði“ í Laxá í Dölum. Síðustu sex daga hefur 257 löxum verið landað á stangirnar sex. Hópur veiðimanna sem lauk þriggja daga veiðum í gær landaði fékk 129 laxa og gerði þar með aðeins betur en hollið á undan sem landaði 128 löxum.

Þetta gerir meðalveiði upp á rúmlega sjö laxa á hverja dagstöng. Heildarveiði nálgast 1500 laxa og til að gleðja veiðimennina enn frekar þá mun vera mikið af stórlaxi í afla þeirra. 

Svipað hefur verið upp á teningnum í næsta nágrenni í Haukadalsá þar sem veiði hefur verið jöfn og góð í allt sumar.  Þar er veitt á fimm stangir og nýlega lauk tveggja daga holl veiðum með 56 laxa og þar af var einn 100 cm lax. Veiði lauk þar nú um síðastliðna helgi, en heildarveiði fyrir sumarið liggur ekki fyrir.  Síðast þegar fréttist var hún nálægt 1100 löxum sem ein besta heildarveiði í sögu árinnar.

• Blogga um frétt

Seinustu hundraðkallar sumarsins