Samkvæmt upplýsingum frá Árna Baldurssyni hjá Lax-á þá virðist sem Stóra-Laxá í Hreppum sé komin í hefðbundið haustskap og nú er þar mikil veiði.
Fram kom að búið sé að landa 60 löxum á einum degi, frá hádegi í gær og fram að hádegi í dag. Hafi 40 af þessum löxum verið landað á svæði I og II þar sem veitt er á fjórar stangir. Hinir 20 hafi dreifst á milli svæða III og IV. Fram kemur jafnframt að margir stórir laxar hafi komið á land. Veitt er út september.
Síðast þegar fréttist um miðjan september voru tæpir 400 laxar komnir af öllum svæðnum. Fram að þessu hafði veiðin á neðri svæðunum í Stóru Laxá verið fremur róleg í sumar eftir bestu opnun í manna minnum.
Efsta svæðið, svæði IV, hefur þó verið óvenjugott í sumar og síðast þegar fréttist þaðan var skrá í bók 149 laxa og sá stærsti 102 cm hængur sem landað var mjög ofarlega á svæðinu, í ármótum Stóru-Laxár og Skillandsár.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Víðidalsá | Stefán Elí Stefánsson | 4. september 4.9. |
101 cm | Laxá í Dölum | Hafþór Jónsson | 27. ágúst 27.8. |
102 cm | Haukadalsá | Ármann Andri Einarsson | 23. ágúst 23.8. |
103 cm | Laxá í Aðaldal | Birgir Ellert Birgisson | 12. ágúst 12.8. |
103 cm | Miðsvæði Laxá í Aðaldal | Máni Freyr Helgason | 11. ágúst 11.8. |
101 cm | Laxá í Aðaldal | Agnar Jón Ágústsson | 10. ágúst 10.8. |
101 cm | Laxá í Aðaldal | Richard Jewell | 9. ágúst 9.8. |