Skotveiðimenn mótmæla

Þann 17. ágúst síðastliðinn vakti stjórn svokallaðrar Sjálfseignarstofnunar Grímstungu- og Haukagilsheiðar athygli á að skotveiði fugla á Grímstunguheiði, Haukagilsheiði og Lambatungum hefur verið leigð til fyrirtækisins Salmon Fishing Iceland. 

Fram kemur í Húnahorninu að nú hefur svæðisráð skotveiðimanna á Norðvesturlandi mótmælt þessari ákvörðun um að leigja út Lambatungur þar sem sannanlega sé um þjóðlendu að ræða samkvæmt úrskurði Þjóðlendunefndar. Þetta kemur fram í sérstakri tilkynningu frá svæðisráðinu og er það er mat ráðsins að sjálfseignarstofnunin hafi eingöngu ákvörðunarvald um beitarrétt á svæðinu en ekki varðandi fuglaveiðar.

Þá kemur fram að mótmæli hafi verið send með formlegum hætti til stjórnar Sjálfseignarstofnunar Grímstungu- og Haukagilsheiðar og gert sé ráð fyrir að hún endurskoði afstöðu sína.

• Blogga um frétt

Seinustu hundraðkallar sumarsins