Metopnun í Langá

Opnunarhollið í Langá á Mýrum lauk veiðum á hádegi í gær eftir 2,5 daga veiði og var veiði afbragðsgóð og segja kunnugir að um met sé að ræða.

Voru það landeigendur sem veiddu þessa fyrstu daga og var 67 löxum landað á stangirnar átta. Á fyrsta klukkutímanum var 10 löxum landað og á hádegi fyrsta morguninn var búið að landa 20. Höfðu menn á orði að mikið af laxi væri þegar genginn í ána og sé vel dreifður allt að Langasjó enda talsvert síðan menn urðu varir við fyrstu laxagöngurnar. Megnið af veiðinni var fallegur tveggja ára fiskur í bland við smálaxa sem áin er almennt þekktari fyrir.

Um 350 laxar hafa gengið í gegnum laxastigann við Skuggafoss og síðast þegar fréttist höfðu 11 laxar gengið í gegnum teljarann í Sveðjufossi sem er mjög ofarlega í ánni.

• Blogga um frétt

Seinustu hundraðkallar sumarsins