Lokatölur úr Mývatnssveit

Á vefsíðu Stangveiðifélags Reykjavíkur er að finna samantekt og lokatölur af urriðasvæðinu í Laxá í Mývatnssveit.

Fram kemur að samtals hafi verið skráðir 3.284 urriðar á svæðinu en heimilt er að veiða á allt að 14 stangir á dag. Um helmingur aflans voru fiskar sem voru stærri en 50 cm og þá var 181 urriði stærri en 60 cm. Tveir stærstu urriðarnir sem komu á land voru 70 cm sem veiddust annars vegar í Geldingaey og hinn fyrir landi Arnarvatns.

Aflasælasta svæðið var á Helluvaði þar sem 723 urriðar komu á land. Það var mál manna sem veiddu í Mývatnssveitinni í sumar að fiskurinn hafi verið sérstaklega vel haldinn sem veit á gott fyrir næstu sumur.

• Blogga um frétt

Seinustu hundraðkallar sumarsins