Prentsmiðjan Litróf ehf. gefur út fyrir þessi jól bók um Selá í Vopnafirði í ritstjórn Guðmundar Guðjónssonar sem hefur í gegnum tíðina getið sér gott orð fyrir útgáfu veiðibóka fyrir jólin.
Bókin er hin veglegasta og 216 blaðsíður að lengd og þar er að finna ítarlega veiðistaðalýsingu, veiðikort og loftmyndir. Að auki eru fjölmargar frásagnir, veiðisögur, viðtöl og ýmiss konar hugleiðingar um ána og nærumhverfið.
Þá prýða fjölmargar myndir bókina eftir Einar Fal Ingólfsson ljósmyndara og fjölmarga fleiri úr fortíð og nútíð. Þetta er fimmta bókin í bókaflokki Litrófs um íslenskar laxveiðiár en áður hafa komið út bækur um Laxá í Kjós, Langá á Mýrum, Grímsá í Borgarfirði og Þverá/Kjarrá.
Margir höfðu orðið áhyggjur af því að að engin veiðibók liti dagsins fyrir þessi jól því yfirleitt hafa komið út ein til tvær jólabækur um veiði síðustu árin.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |