Tetzchner sagður hafa rekið stjórn Opera til að komast hjá brottrekstri
Setja bókamerki
Norska blaðið Dagens Næringsliv segir að stofnandi og forstjóri Opera Software, Jón S. Tetzchner, hafi naumlega komist hjá því að verða rekinn úr starfi með því að skipta um stjórnarmenn í fyrirtækinu. Stjórnin hafi viljað skipta um forstjóra vegna megnrar óánægju hluthafa með mikinn taprekstur.
Þótt hlutabréf í Opera hafi hækkað í síðustu viku hafa þau lækkað um meira en 60% síðan verð þeirra var hæst í mars í fyrra. Fregnir herma að hluthafar séu orðnir óþreyjufullir eftir jákvæðum afkomutölum.
Mun uppreisnarandi meðal hluthafa hafa orðið til þess að stjórnarformaðurinn, Nils A. Fodal, og þrír aðrir stjórnarmenn, voru fylgjandi forstjóraskiptum.
Dagens Næringsliv segir að Tetzchner, sem á sjálfur um 15% í fyrirtækinu, hafi brugðist við með því að fá ekkju meðstofnanda síns og aðra lykilhluthafa í lið með sér og reka stjórnarmennina með því að ráða aðra í staðinn.
„Finn fyrir miklum meðbyr“
Innviðagjald skili 30 milljörðum
Ökuníðingur enn í haldi – „Mildi að ekki fór verr“
Verið að búa til „óánægju og kergju“
Halla Hrund tekur forystu í könnun
„Mjög ánægður með útkomuna“
„Þakklátur að hanga í toppsætunum“
Óásættanlegt hversu langan tíma viðræður hafa tekið