Ford og Chrysler kynna nýja pallbíla í Detroit

Bæði Ford og Chrysler bílaverksmiðjurnar í Bandaríkjunum kynna nýjar kynslóðir pallbíla á Alþjóðlegu bílasýningunni í Detroit, sem hefst í dag. Samkeppnin á pallbílamarkaðinum í Bandaríkjunum er hörð, og dregið hefur úr sölu slíkra bíla þar undanfarið ár.

Ford kynnir nýjan F-150 bíl í dag, en bílar af þessari gerð hafa verið mest seldu bílar í Bandaríkjunum undanfarið. Chrysler kynnir nýja kynslóð Dodge Ram, sem hefur verið algjörlega endurhannaður.

Báðir verða þessir bílar kynntir sem 2009 árgerð og koma á almennan markað með haustinu.

Framleiðendurnir vonast til að með þessum endurbættu bílum aukist eftirspurnin, sem dróst verulega saman í fyrra um leið og eftirspurnin á fasteignamarkaðinum og byggingafræmkvæmdir minnkuðu. Sala á pallbílum dróst saman um sex prósent, en bílasala almennt um þrjú prósent.

• 1 blogg um fréttina

Bloggað um fréttina

• jósep sigurðsson: Já sæll.Ég heppinn