Bandaríkjadalur lækkar eftir ummæli Bernanke

Bandaríkjadalur lækkaði enn frekar gagnvart evru nú síðdegis eftir að Ben Bernanke, Seðlabankastjóri Bandaríkjanna, greindi frá því á fundi með þingmannanefnd í Washington að útlitið væri ekki gott fyrir bandarískt efnahagslíf næstu vikur og mánuði.

Fór evran í 1,5105 gagnvart Bandaríkjadal og hefur evran aldrei verið hærri gagnvart dal frá stofnun myntbandalags Evrópu 1999. En ummæli virkuðu eins og olía á eld gjaldeyrismiðlara sem telja að með þessu eigi Bernanke við að stýrivextir verði lækkaðir enn frekar á næstunni. Lækkun stýrivaxta getur haft jákvæð áhrif á efnahagslíf viðkomandi lands en um leið þau áhrif að fjárfestar í gjaldeyri flytji sjóði sína til þeirra landa þar sem meiri líkur er á aukinni arðsemi.

Slóvenska evran Reuters

• 1 blogg um fréttina

Bloggað um fréttina

• Baldur Fjölnisson: Dollar í frjálsu falli, gull nálgast $1000