Air France kaupir Alitalia á útsölu
Setja bókamerki
Stjórn ítalska flugfélagsins Alitalia féllst í morgun á kauptilboð frá fransk-hollenska flugfélaginu Air France-KLM eftir 16 klukkustunda langan fund.
Verðið er 138 milljónir evra, 15 milljarðar króna eða sem svarar til 0,10 evra á hlut. Er það um það bil 81% undir skráðu gengi hlutabréfa fyrirtækisins. Í tilboðinu felst einnig, að Air France-KLM mun leggja Alitalia til milljarð evra í rekstarfé og mun einnig kaupa til baka skuldabréf, sem Alitalia hefur gefið út að fjárhæð 608 milljónir evra.
Ítalska ríkið, sem á 49,9% hlutafjár í Alitalia, reyndi árangurslaust að selja fyrirtækið á síðasta ári. Alitalia hefur verið rekið með tapi undanfarin fimm ár og skuldar nú um 1,2 milljarða evra.
Þótt tilboði Air France-KLM hafi verið tekið eru kaupin ekki frágengin. Semja þarf við ítölsk verkalýðsfélög, ítalska stjórnin þarf að samþykkja að selja sinn hlut og ítalska kauphöllin og framkvæmdastjórn Evrópusambandsins verða að leggja blessun sína yfir viðskiptin.
Air France-KLM hefur kynnt áætlun um endurreisn ítalska félagsins. Félagið verður rekin áfram undir eigin nafni.
Of mikið af veganmat og hurð í andlitið
Beint: Talið upp úr kjörkössunum
Mest spennandi kosningar síðan 1980
Íslandsbanki greiðir 570 milljónir í sekt
Kjörsókn yfir 60% í Reykjavíkurkjördæmum
Mun fleiri horfðu til Höllu en Katrínar í könnun
6,6% hafa kosið í Suðvesturkjördæmi