Reglur til að hindra skortsölu

Skortsala, sem margir segja ástæðuna fyrir verðhruni á  hlutabréfamörkuðum, verður takmörkuð af bandarískum yfirvöldum frá og með næsta mánudegi.
Reglugerðin mun hindra ákveðnar tegundir af skortstöðum í stórum fjármálafyrirtækjum, þeirra á meðal íbúðalánasjóðunum Fannie Mae og Freddie Mac.

Í stuttu máli er talað um skortsölu þegar fjárfestir fær lánuð hlutabréf af eiganda þeirra, selur bréfin og vonast til að verð þeirra lækki. Hann kaupir síðan bréfin aftur, vonandi á lægra verði og skilar þeim á tilteknum tíma til upphaflega eigandans. Mismunurinn á hlutabréfaverðinu er þá hagnaður skortseljarans.

Reglugerðin er sett á í því augnamiði að koma í veg fyrir stýringu á markaðsverðum, að því er segir á vef BBC. Hún kemur fram í kjölfar nær gjaldþrots fjárfestingabankans Bear Stearns og vandræða annarra fjármálafyrirtækja, svo sem Lehman Brothers.

• 1 blogg um fréttina

Bloggað um fréttina

• Davíð Þór Kristjánsson: Hljómar vel