Kínverjar flytja út bensín

Verð á svonefndri Brent Norðursjávarolíu féll um meira en þrjá dollara á tunnu í dag og kostaði tunnan nú síðdegis 87 dollara, samkvæmt fréttavefnum borsen.dk. Ástæða verðfallsins er ekki einungis rakin til efnahagsástandsins í Bandaríkjunum. Bensínútflutningur frá Kína, næst stærsta olíunotanda í heimi, er einnig talinn eiga þátt í lækkuninni. 

Undanfarin ár hefur Kína flutt inn sífellt meira af olíu og bensíni. Skýringin á því er ör vöxtur í landinu og nú nýverið einnig aukin umsvif vegna Ólympíuleikanna. Tryggt var að nægar olíu- og bensínbirgðir væru til í landinu meðan á leikunum stóð.

Að sögn Mads Peter Simonsen, hjá greiningadeild Amagerbanka, hafa Kínverjar hafið útflutning á bensíni upp á skíðkastið. Í Kína er helmingur nýskráðra bíla knúinn dísilolíu og því reyna Kínverjar að fullnægja þörf fyrir hana með eigin framleiðslu. Það hefur leitt til umfram framleiðslu af bensíni í september og einnig nú í október.

• 1 blogg um fréttina

Bloggað um fréttina

• Reynir W Lord: N1 og Skeljungur sýnið nú samstöðu og lækkið verð