Talið er að allt að fjögur hundruð starfsmenn Bakkavarar í Bretlandi geti misst vinnuna í þremur verksmiðjum félagsins í Lincolnskíri. Kemur fram í frétt BBC að Bakkavör sé að endurskipuleggja reksturinn en alls starfa um tvö þúsund manns hjá fyrirtækinu í verksmiðjunum.
Haft er eftir talsmanni Bakkavarar að nú ríki viðsjárverðir tímar í matvælavinnslu og að fyrirtækið fylgist grannt með gangi mála á tímum versnandi efnahagsástands.