Svarar því í næstu viku hver seldi í SPRON

Hlynur Jónsson, formaður skilanefndar SPRON, hefur verið kallaður fyrir Héraðsdóm Reykjavíkur miðvikudaginn 10. september næstkomandi.

Þar mun Grímur Sigurðsson hrl, lögmaður Davíðs Heiðars Hanssonar, spyrja Hlyn hver var seljandi stofnfjárbréfa í SPRON að upphæð rúmar 55 milljónir króna, sem Davíð keypti í júlí 2007. Hlynur hefur áður neitað að svara þessari spurningu, en Hæstiréttur hefur dæmt að honum sé skylt að svara spurningunni fyrir dómi.

Ef í ljós kemur að seljandinn var stjórnarmaður í SPRON, hyggst Davíð höfða mál og krefjast þess að kaupverðið verði endurgreitt.

• 1 blogg um fréttina

Bloggað um fréttina

• Jakob Falur Kristinsson: SPRON