Hagvöxtur yfir 8% í Kína í ár

Nýjar hagtölur í Kína benda til þess að hagvöxtur verði meiri í ár en áætlanir ríkisstjórnarinnar gerðu ráð fyrir, eða um 8,9% í stað 8%.

Miðað við vöxt á þriðja fjórðungi ársins verður hagvöxturinn í Kína í ár 8,9%. Á fyrra fjórðungi bentu hagtölur til þess að vöxturinn næði ekki markmiðum stjórnarinnar og yrði 7,9%.

Vöxturinn var meiri á þriðja fjórðungi ársins en á nokkru öðru þriggja mánaða tímabili í heilt ár. Í heild nemur hagvöxturinn 7,7% fyrstu níu mánuði ársins en embættismenn í Peking staðhæfa, að hann verði yfir 8% á árinu öllu.

Kínverska stjórnin hefur varið gríðarlegum upphæðum til stórframkvæmda í samgöngumálum og öðrum innviðum landsins í þeim tilgangi að skapa ný störf og auka eftirspurn.

• 1 blogg um fréttina

Bloggað um fréttina

• Jakob Falur Kristinsson: Kína