2642 ný hlutafélög

Nýskráð hluta- og einkahlutafélög voru 2642 á síðasta ári og fjölgaði um tæp 3% frá árinu 2008 þegar 2571 ný félög voru skráð.

Að sögn Hagstofunnar eru flestar nýskráningar eins og undanfarin ár í starfsemi eignarhaldsfélaga og leigu atvinnuhúsnæðis. Ríflega 20% nýskráðra félaga árið 2009 voru í þessum tveimur atvinnugreinum.

Skipting nýskráninga eftir landsvæðum er nokkuð svipuð á milli ára en sem fyrr eru flestar nýskráningar á höfuðborgarsvæðinu eða 72%. Nýskráningum á Vestfjörðum fjölgar hlutfallslega mest eða um ríflega 70% þar sem 76 ný félög voru nýskráð á síðasta ári samanborið við 44 árið 2008.

• 1 blogg um fréttina

Bloggað um fréttina

• Eggert Þór Aðalsteinsson: Hinir stóru og hinir smáu