Þrotabú Baugs hefur sent ríflega tveggja milljarða lán sem veitt var félaginu 101 Capital á árinu 2007 í innheimtu. 

Í nýjasta birta ársreikningi 101 Capital kemur fram að lánið sem um ræðir sé á gjalddaga á árinu 2010. Lánið var veitt vegna kaupa á eignarhlut í Landic Property af Baugi, sem er skráður á tæpa sjö milljarða í ársreikningnum frá 2007 og er eina eign félagsins. Glitnir lánaði fimm milljarðana sem upp á vantaði, en þeir runnu til Baugs í viðskiptunum sem um ræðir.

Landic Property hefur gengið í gegnum fjárhagslega endurskipulagningu og kallast í dag Reitir. Hlutur 101 Capital er því lítils virði í dag, og við fyrstu sýn virðist sem félagið hafi verið stofnað í þeim tilgangi að kaupa hlutabréf í Landic Property af Baugi. Þó skuldar félagið einnig 1,7 milljarða vegna framvirkra hlutabréfasamninga í árslok 2007.

Tengdar fréttir

Skýrsla rannsóknarnefndar Alþingis um bankahrunið

Ríkissjóður sem borgar

• Vilja rannsókn á einkavæðingu bankanna
• Takast á um tillögurnar
• Jóhanna beitti þrýstingi
• Segja Alþingi hafna niðurstöðu rannsóknarskýrslu

» Fleiri tengdar fréttir

• 2 blogg um fréttina

Bloggað um fréttina

• Axel Jóhann Axelsson: Tortolavexti til að borga þetta
• Heimir Lárusson Fjeldsted: Fyrirmyndar borgarar