FIH seldur á 40 milljarða
Setja bókamerki
Danska sjónvarpsstöðin TV2 sagði nú síðdegis, að búið væri að ganga frá sölu á danska bankanum FIH Erhvervsbank til tveggja danskra lífeyrissjóða og sænsks tryggingafélags fyrir 2 milljarða danskra króna, jafnvirði 40 milljarða íslenskra króna.
Fram kom í dag, að ágreiningur væri á milli skilanefndar Kaupþings, sem hefur farið með eignarhald bankans, og Seðlabanka Íslands, sem var með allsherjarveð í öllum bréfum FIH, um hvaða tilboði í danska bankann ætti að taka. Nú hafi náðst samkomulag um að taka tilboði lífeyrissjóðanna ATP, PFA og sænska tryggingafélagsins Folksams.
TV2 segir, að gangi rekstur FIH vel á næstunni muni íslensku seljendurnir fá viðbótargreiðslur fyrir bankann. Ekki sé hins vegar ljóst hve háar þær greiðslur verða eða á hvaða forsendum.
Seðlabankinn tók veð í öllum hlutabréfum FIH vegna 500 milljóna evra neyðarláns, sem Kaupþing fékk rétt fyrir bankahrunið. Það svarar til 77 milljarða króna samkvæmt núverandi gengi.
„Mjög miður að af þessu hljótist kostnaður“
14 til 17 milljarða kr. tap vegna skerðinga
Urðu ekki vör við kvikuhlaup
„Bíð bara eftir að það fari að gjósa aftur“
„Hann var lokaður inni í bátnum“
Ástand Ficos stöðugt en „mjög alvarlegt“
Kemur ekki til greina að semja við ESB