Mikil skuldsetning á skuldabréfamarkaði

Velflestir bankar og fjármálafyrirtæki á Íslandi bjóða fagfjárfestum upp á að eiga viðskipti með skuldabréf með lágu eiginfjárframlagi, eða allt niður í 5%.

Fagfjárfestar eru þeir sem geta sýnt fram á yfirráð yfir 100 milljónum eða meira af seljanlegum eignum, hafa starfað á fjármálamarkaði og hafa átt í talsverðum viðskiptum á markaði á næstliðnu ári.

Telja má líklegt að mikil skuldsetning á skuldabréfamarkaði hafi ýkt verðsveiflur síðastliðinna vikna, en einhver hluti þeirra sem voru með skuldsettar stöður lenti í veðköllum, sem geta sett söluþrýsting á markaðinn, að því er fram kemur í viðskiptablaði Morgunblaðsins í dag.