Lækkun í Evrópu

Þýska hlutabréfavísitalan lækkaði um 1,4% eftir að viðskipti hófust í kauphöllinni í Frankfurt og er lækkunin rakin til viðvörunar S&P í gærkvöldi um mögulega lækkun á lánshæfiseinkunn evruríkjanna. Viðvörun S&P virðist hafa gert að engu væntingar fjárfesta um þær tillögur sem Angela Merkel, kanslari Þýskalands, og Nicolas Sarkozy Frakklandsforseti kynntu í gær til bjargar evrusvæðinu.

Í Lundúnum lækkaði  FTSE 100-vísitalan um 0,72% og í París lækkaði CAC-vísitalan um 0,95%.

Standard & Poor's varaði við því í gær að svo kynni að fara að fyrirtækið myndi lækka lánshæfiseinkunn flestra evruríkjanna, þar á meðal Frakklands og Þýskalands sem eru með hæstu einkunn hjá fyrirtækinu, þrefalt A.

• Blogga um frétt