Kröfuhafar gamla Landsbankans gerðu þá kröfu að sett yrði inn sérstakt ákvæði í samkomulag um endurreisn nýja Landsbankans, að þrotabúið þyrfti ekki að bera neinn fjárhagslegan skaða af tilteknum stjórnvaldsaðgerðum sem myndu rýra verðmæti lánasafns bankans.

Í ítarlegri fréttaskýringu um mál þetta í viðskiptablaði Morgunblaðsins í dag segir, að að öðrum kosti er talið ólíklegt að kröfuhafar hefðu fallist á það fyrirkomulag að gefið yrði út skilyrt skuldabréf hinn 31. mars næstkomandi, sem getur orðið 92 milljarðar, í skiptum fyrir 18,7% hlutafjáreign þrotabúsins í Landsbankanum.

Þetta herma áreiðanlegar heimildir Morgunblaðsins úr stjórnkerfinu. Það voru fyrst og fremst áhyggjur kröfuhafa í tengslum við áform ríkisstjórnarinnar um uppstokkun á fiskveiðistjórnunarkerfinu sem skiptu máli í þessum efnum. Á meðal undirliggjandi eigna skilyrta bréfsins eru lán Landsbankans til sjávarútvegsfyrirtækja.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir