Byggingarfulltrúi hefur samþykkt umsókn Höfðatorgs ehf. um byggingu 16 hæða hótels á Höfðatorgsreitnum í Borgartúni. Gert er ráð fyrir því að á hótelinu verði 342 herbergi.

Að sögn framkvæmdastjóra Höfðatorgs ehf. er fjármögnun ekki tryggð en unnið er að henni. Samhliða byggingu hótelsins verður bílakjallari undir Höfðatorgi stækkaður.

Í umfjöllun um þessi áform í Morgunblaðinu í dag kemur meðal annars fram, að hótelið á að verða 17 þúsund fermetrar að flatarmáli. Byggingarfulltrúi segir að gert sé ráð fyrir þjónustu á fyrstu og efstu hæð hótelsins og að um sé að ræða hefðbundið þriggja til fjögurra stjörnu ferðamannahótel.

Tengdar fréttir

Hótel á Íslandi

Verð á hótelgistingu í Reykjavík fer enn lækkandi

• Markaður fyrir 5 stjörnur
• 11% fleiri farþegar en í fyrra
• Nýtt Fosshótel reist við Mývatn
• Nýtt borgarhótel í Grímsbæ

» Fleiri tengdar fréttir