Óveruleg lántaka til hlutabréfakaupa

Þrátt fyrir vísbendingar um að það færist í vöxt að fjárfestar taki lán fyrir hlutabréfakaupum þá er umfang slíkra viðskipta enn mjög svo takmarkað í samhengi við umsvif á hlutabréfamarkaði.

Samkvæmt upplýsingum Morgunblaðsins er það mat sérfræðinga í markaðsviðskiptum á fjármálamarkaði að skuldsetning til hlutabréfakaupa – einkum spákaupmanna og fjárfestingarsjóða – nemi aðeins um 3% af markaðsvirði skráðra félaga á hlutabréfamarkaði, eða á bilinu 10 til 15 milljörðum.

Það er því langur vegur frá því að sókn fjárfesta í skuldsett hlutabréfakaup sé farin að skapa kerfisáhættu, að því er fram kemur í fréttaskýringu um þetta mál í Morgunblaðinu í dag.