Skuldirnar komnar í 1 trilljón

Skuldir Japans náðu í júní yfir 1 trilljóna (e. quadrillion) markið og voru 1,008 trilljón yen. Er þetta í fyrsta skiptið sem þetta skuldsetta ríki kemst yfir þá tölu, en ein trilljón er milljón milljarðar (1.000.000.000.000.000). Nema skuldirnar meira en tvöfaldri landsframleiðslu Japans, en landið hefur lengi haft titilinn að vera með hlutfallslega stærstu skuldahrúgu iðnvædds ríkis. 

Þrátt fyrir miklar skuldir hefur Japan ekki enn farið í gegnum viðlíka skuldakreppu og evrusvæðið, en það stafar að miklu leiti á lágum vöxtum og að skuldirnar eru að mestu í eigu innlendra aðila í stað erlendra.

Forsætisráðherra Japan, Shinzo Abe, er nú að skoða möguleikann á því að hækka söluskatt í landinu upp í 10% fyrir árið 2015 og ná þannig betri tökum á ríkisfjármálunum. Gagnrýnendur segja þó að slíkt gæti hægt á vaxtaráætlun ríkisstjórnarinnar í efnahagsmálum.

• 1 blogg um fréttina

Bloggað um fréttina

• Egill Jón Kristjánsson: Hér þarf blaðamður að læra meira um stórar tölur.