Hætta á fasteignabólu í Bretlandi

Alþjóðagjaldeyrissjóðurinn hefur bent George Osborne, fjármálaráðherra Bretlands, á að hækkandi húsnæðisverð og lækkandi framleiðni séu ógn við efnahagsbatann í landinu. Christine Lagarde, framkvæmdastjóri AGS, vill að gripið verði tafarlaust til aðgerða til að koma í veg fyrir að bóla myndist á fasteignamarkaði.

AGS spáir því að hagvöxtur í Bretlandi verði 2,9% á þessu ári. Á blaðamannafundi í Lundúnum í dag sagði Lagarde að efnahagsbatinn væri nokkuð kröftugur og að hagvöxtur myndi taka við sér á þessu ári. Þróunin væri jákvæð.

Hún óttast hins vegar að húsnæðisbóla myndist á breskum fasteignamarkaði, að því er segir í frétt breska ríkisútvarpsins. Hún lagði meðal annars til að stjórnvöld settu takmörk á fjölda svokallaðra lágra lána sem bankar eða húsnæðisfélög byðu upp á.

• 1 blogg um fréttina

Bloggað um fréttina

• Ívar Andersen: Margt líkt með Bretlandi og Íslandi.