Mega banna vín á vinnustöðum

Franska ríkisstjórnin hefur innleitt tilskipun sem heimilar atvinnurekendum að banna léttvín á vinnustöðum. Áður hafði mátt banna allar gerðir áfengis nema léttvín og eplavín, en atvinnumálaráðuneyti landsins rökstuddi ákvörðun sína með þeim rökum að neysla áfengis á vinnustöðum gæti ógnað öryggi og andlegri líðan starfsmanna.

Áfengisneysla veldur árlega um 49 þúsund dauðsföllum í Frakklandi samkvæmt Gustave-Roussy-stofnuninni um krabbameinsrannsóknir. Frakkar hafa lengi verið þekktir fyrir mikla neyslu víns, en hún hefur þó farið minnkandi undanfarið og bjórneysla aukist á móti. Árið 2013 fóru Bandaríkjamenn fram úr Frökkum í málaflokknum og drukku 29 milljónir hektólítra af víni, um einni milljón hektólítra meira en Frakkar.

• 1 blogg um fréttina

Bloggað um fréttina

• G. Tómas Gunnarsson: Það eru engir eins og Frakkar