Takmarki lán með breytilegum vöxtum

Stjórnvöld í Svíþjóð skoða nú þann möguleika vandlega að takmarka fasteignalán með breytilegum vöxtum í þeirri viðleitni að auka stöðugleika fjármálakerfisins þar í landi.

Þetta kemur fram í morgunpunktum IFS greiningar. Þar segir að þetta gerist í kjölfar þess að fleiri fasteignakaupendur velji nú lán sem taki mið af skammtímavöxtum.

Breytilegir vextir fasteignalána í Svíþjóð hafa farið lækkandi samfara lægri stýrivöxtum. Þeir eru nú 2,4%, samkvæmt tölum Swedbank, og hafa ekki verið lægri í fjögur ár, að því er segir í umfjöllun IFS.

78 prósent nýrra lána í júlímánuði báru breytilega vexti samanborið við 63 prósent nýrra lána árið 2012.

• 1 blogg um fréttina

Bloggað um fréttina

• Guðmundur Ásgeirsson: Takmarka þarf breytilegan lánskostnað