Skeljungur hyggst skrá hlutabréf félagsins á markað og hefur ráðið Íslandsbanka og Arion banka til að gera félagið tilbúið til skráningar og undirbúa hlutfjárútboð.
Jón Diðrik Jónsson, stjórnarformaður Skeljungs, segir að endanleg ákvörðun um hvenær bréfin verði sett á markað liggi ekki fyrir.
„Íslandsbanki mun vinna að undirbúningi og ef af skráningu verður mun Arion banki sjá um sjálfan söluferilinn,“ segir Jón Diðrik í umfjöllun um mál þetta í Morgunblaðinu í dag.