Hard Rock vill enn til Íslands

Ísland hefur í nokkra mánuði verið sveipað appelsínugulum lit á heimasíðu Hard Rock Café. Liturinn þýðir að keðjan sé með virkum hætti leita eftir einhverjum til þess að sjá um rekstur veitingahússins hér á landi. Appelsínugul lönd eru efst á lista Hard Rock en ekkert annað Norðurlandanna er í sama lit.

Þegar smellt er á Ísland má sjá að Hard Rock vill opna stað í Reykjavík en áhugasamir geta sótt um á heimasíðunni.

Sam­kvæmt heim­ild­um mbl.is hef­ur Hard Rock sett sig í sam­band við aðila á Íslandi sem ekki hafa tekið boðinu. Hard Rock Café var rekið í Kringl­unni frá ár­inu 1987 en það var veit­ingamaður­inn Tóm­as Tóm­as­son sem opnaði staðinn á sín­um tíma. Tómas hefur þó sagt í samtali við mbl að Hard Rock hafi ekki leitað til hans.

Gaum­ur hf, eign­ar­halds­fé­lag Bón­us-feðga, keypti Hard Rock á árið 1999 og átti staðinn þar til hon­um var lokað hinn 31. maí 2005.

Í dag eru 145 Hard Rock veit­ingastaðir í 59 lönd­um auk 21 hót­els og tíu spila­víta.

Ísland er appelsínugult hjá Hard Rock. Mynd af heimasíðu Hard Rock

• Blogga um frétt