Sloppurinn sem Georg prins var í þegar hann tók á móti bandarísku forsetahjónunum í gærkvöldi seldist upp hjá framleiðanda aðeins nokkrum mínútum eftir að myndir af því birtust. Myndirnar vöktu mikla athygli en á þeim má sjá Georg prins með forsetahjónunum í gærkvöldi en hann fékk að vaka frameftir til að hitta þau. Hann var þó búinn að hátta og skartaði hvítum slopp yfir náttfötunum og inniskóm með myndum af flugvélum.

Samkvæmt frétt The Daily Mail er sloppurinn framleiddur af My 1st Years og kostar 27 pund eða um 4.800 íslenskar krónur.

Myndir sem sýna Georg prins taka á móti bandarísku forsetahjónunum í gærkvöldi, íklæddur í hvítan slopp og inniskó, hafa vakið heimsathygli og heldur fólk ekki vatni yfir krúttlegum klæðnaði prinsins.

Að sögn The Daily Mail fékk Georg að vaka fimmtán mínútum lengur en vanalega til þess að heilsa forsetahjónunum og sýndi hann þeim m.a. rugguhest sem þau gáfu honum þegar hann fæddist og tuskudýr sem þau gáfu honum þegar að systir hans Karlotta fæddist í fyrra. Hún var þó sofandi þegar að gestirnir komu.

Tengdar fréttir

Kóngafólk í fjölmiðlum

Myndir: Karl snúinn aftur til opinberra starfa

• Vilhjálmur og Katrín fagna 13 ára brúðkaupsafmæli
• Meghan með til Afríku en tjáir sig ekki um Lundúnir
• Karl á batavegi og snýr aftur til starfa
• Karl III sagður „mjög veikur“

» Fleiri tengdar fréttir

• 2 blogg um fréttina

Bloggað um fréttina

• Halldóra Lára Ásgeirsdóttir: Sloppur Georgs prins seldist upp
• Njörður Helgason: Hitti Obama hjónin á afmæli langömmu sinnar.