Standard & Poor’s hefur lækkað lánshæfi Bretlands niður um tvær gráður, eða heilan bókstaf, úr AAA niður í AA. Þetta er gert í kjölfar ákvörðunar breskra kjósenda um að ganga úr Evrópusambandinu.
Moody's hefur einnig breytt horfum vegna lánshæfis Bretlands í neikvæðar.
Frétt mbl.is: Breytir breskum horfum í neikvæðar
Í ákvörðun S&P segir að þessi útkoma í atkvæðagreiðslunni muni leiða til ófyrirsjáanleika og óstöðugrar og áhrifaminni ríkisstefnu.
Í tilkynningu S&P kemur einnig fram að matsfyrirtækið hafi áhyggjur af því að munurinn á niðurstöðum í Skotlandi og Norður-Írlandi, þar sem flestir vildu vera áfram innan ESB, muni reynast landinu í heild erfiður.