Christine Lagarde, framkvæmdastjóri Alþjóða gjaldeyrissjóðsins, hefur verið ákærð fyrir meinta vanrækslu í tengslum við 400 milljóna evra greiðslu til kaupsýslumannsins Bernard Tapie.
Sjá frétt mbl.is: Framkvæmdastjóri AGS fyrir rétt
Lagarde hefur áður mætt fyrir rétt í Frakklandi vegna málsins en franskur dómstóll hefur nú slegið því föstu að aðalmeðferð í máli hennar mun fara fram.
Lagarde var fjármálaráðherra í ríkisstjórn Nicolas Sarkozys á þeim tíma þegar Tapie hlaut bætur vegna sölu á fyrirtækinu Adidas árið 1993. Greiðslan var framkvæmd árið 2008.
Sjá frétt mbl.is: Framkvæmdastjóri AGS til rannsóknar
Rannsókn á málinu hófst árið 2014. Var talið að upphæð greiðslunnar og framkvæmd hennar hafi verið ákveðin með hliðsjón af því að Tapie var einn helsti styrktaraðili framboðs Sarkozys í forsetakosningunum árið 2007.
Lagarde hefur alltaf neitað því að hafa sýnt af sér vanrækslu í tengslum við málið.