Hlutabréf VÍS hafa haldið áfram að lækka í dag en þó minna en í gær. Bréfin hafa lækkað um tæpt prósentustig í viðskiptum dagsins en lækkunin í gær var 3,4 prósent í 341 milljón króna viðskiptum. Velta með bréfin í Kauphöllinni nemur 63 milljónum króna og er þetta mesta lækkun dagsins.
Viðskiptmogginn greindi frá því í gær að þrír stærstu lífeyrissjóðir landsins hefðu ákveðið að draga úr stöðu sinni í tryggingafélaginu eftir að upp komu á yfirborðið harkaleg átök á vettvangi stjórnar félagsins.
Stjórn tryggingafélagsins sendi frá sér tilkynningu í dag vegna málsins og sagði að gagnrýni um að stjórnarháttum félagsins sé ábótavant kæmu stjórninni á óvart. Segir stjórnin að gagnrýnin byggi á ágiskunum.