Bensínsala N1 minnkar um tæp 10%

Hagnaður olíufélagsins N1 á þriðja ársfjórðungi nam 963 milljónum króna og dróst saman um 10,2% frá sama tímabili í fyrra þegar hagnaðurinn nam 1.072 milljónum króna. Bensínsala dróst saman en sala á gasolíu jókst. 

Rekstrarhagnaður N1 fyrir afskriftir nam 1.409 milljónum samanborið við 1.472 milljónir á á sama fjórðungi í fyrra. Framlegð af vörusölu jókst um 2,8% sem skýrist að mestu af hagstæðri þróun á heimsmarkaðsverði með olíu.

Þróun á heimsmarkaðsverði á eldsneyti hafði jákvæð áhrif á fjórðungnum að því er kemur fram í tilkynningu um uppgjörið. Selt magn af bensíni og gasolíu jókst um 0,4% á milli ára. Selt magn af bensíni dróst hins vegar saman um 9,5% en selt magn af gasolíu jókst um 7%. 

• 1 blogg um fréttina

Bloggað um fréttina

• Ómar Ragnarsson: Ef þú getur ekki sigrað þá, gakktu í lið með …