Thomas Borgen mun hætta þegar í stað sem bankastjóri Danske Bank. Þetta kemur fram í fréttatilkynningu frá bankanum í morgun. Jesper Nielsen, yfirmaður Banking DK, tekur tímabundið við bankastjórastöðunni en Borgen hefur verið í því starfi í fimm ár.

Borgen sagði af sér sem bankastjóri Danske Bank í síðasta mánuði vegna peningaþvættishneyklis sem bankinn er tengdur við en grunur leikur á um að vafasamar færslur að andvirði 200 milljarða evra hafi streymt í gegnum útibú bankans í Eistlandi. Fyrst um sinn átti hann að starfa þar til varanlegur eftirmaður fyndist en þeirri ákvörðun hefur verið breytt.

Frétt af mbl.is

Enduropna rannsókn á Danske Bank

„Við erum á þeirri skoðun, með hliðsjón af þeirri stöðu sem bankinn er í, að sá sem varðar veginn sé einnig hluti af framtíðinni. Það er Thomas Borgen ekki, eins og alkunna er, þar sem hann hefur sagt upp stöðu sinni,“ segir stjórnarformaður bankans Ole Andersen í skriflegu svari til Danska ríkisútvarpsins

„Ég hef verið beðinn um að vera í fararbroddi af kollegum mínum í forystu bankans, og þá ábyrgð tek ég að mér,“ segir Nielsen, en ekki er litið á hann sem kost í starfið til lengri tíma.

Frétt af mbl.is

Rannsaka tengsl breskra fyrirtækja

Tengdar fréttir

Peningaþvætti í Danske Bank

Stærsta peningaþvættismál Evrópu

• Nordea sakaður um peningaþvættisbrot
• Danske Bank til rannsóknar
• Rannsaka tengsl breskra fyrirtækja
• Enduropna rannsókn á Danske Bank

» Fleiri tengdar fréttir

• Blogga um frétt