Um 195 þúsund erlendir gestir fóru um Leifsstöð í júní sem er fækkun um 16,7% milli ára. Fjöldinn var svipaður milli ára fyrstu þrjá mánuði ársins, áður en WOW air fór í þrot.
Þetta kemur fram í Vikubyrjun hagfræðideildar Landsbankans.
Þar kemur fram að fjöldi erlendra gesta í nýliðnum júnímánuði hafi verið mjög svipaður og í júní 2016. Þetta er annar mánuðurinn í röð sem fjöldinn er svipaður og í sama mánuði 2016.