Högni Hjálmtýr Kristjánsson hefur verið ráðinn sem forstöðumaður eignaumsýslu og fjármála hjá fasteignaþróunarfélaginu Kaldalóni.
Högni starfaði áður hjá Gamma við fjármálastjórn og daglegan rekstur fasteignafélaga. Hann er með hagfræðipróf frá Háskóla Íslands ásamt prófi í verðbréfaviðskiptum.
Jón Þór Gunnarsson, forstjóri Kaldalóns, segir í tilkynningu að Högni sé góð viðbót við félagið á réttum tímapunkti:
„Reynsla hans úr fyrra starfi sýndi fram á mikla hæfni við krefjandi aðstæður. Það er ákaflega ánægjulegt að fá Högna í teymið með eiginleika sem styðja við framtíðaráform félagsins.“