Bandaríska kolefnisförgunarfyrirtækið Running Tide verður fyrsti samstarfsaðili Transition Labs en félagið hyggst rækta fljótandi þörungaskóga á alþjóðlegu hafsvæði og gera út frá Íslandi.

Davíð Helgason, stofnandi Unity, stendur að stofnun fyrirtækisins Transition Labs, ásamt Kjartani Erni Ólafssyni, frumkvöðli og tæknifjárfesti. Þegar tilkynnt var um stofnun fyrirtækisins í gær, kom fram að stefnt væri að því að gera Ísland að suðupunkti loftslagsverkefna á heimsvísu. Running Tide nýtir nýjustu tækni til að örva náttúrulegt ferli sjávarins við að fjarlægja kolefni úr andrúmsloftinu, bæta lífríki hafsins og skilar ávinningnum bæði til sjávarplássa og vistkerfa heimsins.

Starfsstöð fyrirtækisins hér á landi verður sú fyrsta utan Bandaríkjanna og markar upphaf alþjóðlegrar útrásar þess. 

Samkvæmt heimildum ViðskiptaMogga stendur til að hefja starfsemina strax í sumar, leigja skip og áhafnir og til lengri tíma að byggja upp frekari skipaflota hér á landi.

Lestu meira um málið í ViðskiptaMogganum í dag.

Tengdar fréttir

Davíð Helgason

Davíð Helgason og Isabella eiga von á barni

• Davíð úti en Björgólfur klifrar upp lista þeirra ríku
• Davíð fallinn af lista Forbes
• Björgólfur og Davíð á meðal þeirra ríkustu í heimi
• Davíð með 22 árum yngri kærustu

» Fleiri tengdar fréttir