Allir vildu bombur
Setja bókamerki
Sælgætisgerðin Freyja hefur komið með látum inn á súkkulaðiplötumarkaðinn á síðustu misserum með hinum geysivinsælu Bombu-, Freyjukaramellu- og Djúpum súkkulaðiplötum. Pétur Thor Gunnarsson framkvæmdastjóri Freyju segir um tilurð Bombusúkkulaðiplötunnar að Vanillubombur hafi lengi verið vinsælar. Um árabil hafi þær bæði verið fáanlegar í pokum og í nammibörum stórmarkaða.
„Sala í nammibörum var alltaf sterk en pokarnir voru orðnir gamaldags og við tókum þá tímabundið úr sölu. Þegar faraldurinn brast á lokuðu nammibarirnir en allir vildu Bomburnar áfram. Við fórum út í endurhönnun og settum nýja poka á markað í uppfærðum 150 g umbúðum sem fóru frábærlega af stað. Fljótlega fylgdu pokar af Lakkrísbombum og Bananabombum.
Við gengum svo skrefinu lengra fyrir 2-3 árum og bjuggum til litlar Bombuperlur sem við settum í 100 g súkkulaðiplötur. Þar með varð Bombuplatan til. Í framhaldinu kom Lakkrísbombuplatan og Bananabombuplatan. Þetta markaði í raun endurkomu okkar inn á súkkulaðiplötumarkaðinn,“ útskýrir Pétur.
Valencia fór af markaði
Lengi vel fram að þessu hafði Freyja verið lítt áberandi í súkkulaðiplötuflórunni, eða allt síðan Valencia súkkulaðið var tekið af markaði vegna minnkandi sölu. Pétur segir að Vanillu- og Lakkrísbombuplötur seljist gríðarlega vel, en Banabombuplatan minna. „Við notum svo sömu tækni til að búa til Freyju karamellusúkkulaðiplötu þar sem við völsum niður Freyju karamellur og setjum í súkkulaðið. Þetta er ný upplifun, íslensk heimatilbúin toffí karamella í súkkulaði. Þær eru ólíkar öðru súkkulaði á markaðnum og mjög skemmtilegar.“
Nánari umfjöllun er að finna í Morgunblaðinu í dag
Baldur: Það má ekki gelda embættið
Segir forseta þingsins segja ósatt frá fundinum
Aldraðir beittir ofbeldi
Flugvirki lagði ríkið endanlega
Guðmundur Fertram tilnefndur
Urðu ekki vör við kvikuhlaup
Meti umsóknir um ríkisborgararétt
Samþykkt kaup á fasteignum að virði 52 milljarða