Útgerðarfyrirtækjum með aflahlutdeild hefur fækkað um næstum 60% á tólf árum. Alls áttu 946 útgerðarfyrirtæki aflahlutdeild á fiskveiðiárinu 2005/2006 en nú deila 382 fyrirtæki hlut í aflanum. Fjöldi úthlutaðra þorskígildistonna er þá næstum sá sami, eða um 400 þúsund tonn.

Þetta kemur fram á vef Fiskistofu.

Handhafar bæði aflamarks og krókaaflamarks eru taldir með á því grafi sem sjá má hér að ofan. Línuritið á myndinni sýnir þá heildarúthlutun aflamarks í þorskígildum 1. september ár hvert.

HB Grandi með 10,4%

Litlar breytingar eru á hvaða fyrirtæki eru í efstu sætunum frá því sams konar upplýsingar voru birtar í mars síðastliðnum, í kjölfar úthlutunar aflamarks í deilistofnum um áramótin og viðbótarúthlutunar á loðnu, að því er segir í tilkynningu Fiskistofu.

Eins og undanfarin ár eru HB Grandi og Samherji í tveimur efstu sætunum. HB Grandi er með um 10,4% af hlutdeildunum en var í mars með 11,3%. Samherji er með 6,2%. Samanlagt ráða þessi tvö stærstu útgerðarfyrirtæki landsins því yfir 16,6% af hlutdeildunum í kvótakerfinu. Í 3. til  5. sæti eru Síldarvinnslan í Neskaupstað, Þorbjörn í Grindavík og FISK-Seafood Sauðárkróki.

Frétt af mbl.is

Tíu stærstu með tæpan helming kvótans

Tengdar fréttir

Fiskveiðistjórnunin

Lilja Rafney yfirgefur VG vegna svika flokksins

• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð
• Brimi úthlutað mestum kvóta

» Fleiri tengdar fréttir

• Blogga um frétt