Hvorki reglur um leiðsögn né leiðsögumannalisti
Setja bókamerki
/frimg/1/42/89/1428906.jpg)
Víðsvegar um Ísland er skortur á uppfærðum rafrænum siglingakortum og gera lög ráð fyrir að til taks séu leiðsögumenn fyrir skip sem koma til eða sigla frá íslenskum höfnum. Í kjölfar strand Wilson Skaw á Húnaflóa á síðasta ári beinir Rannsóknarnefnd samgönguslysa því til innviðaráðuneytisins að setja reglugerð um hafnsögu- og leiðsöguskyldu skipa í samræmi við lög.
Kemur þetta fram í skýrslu nefndarinnar vegna strand Wilson Skaw.
Þá er Samgöngustofa hvatt til að uppfæra rafræna útgáfu siglingakorta þannig að fram komi á hvaða svæðum sé þörf á staðbundinni þekkingu og upplýsi um hvar leiðsögumenn er að finna.
„Staðbundin þekking ætti að vera til staðar eins og segir í íslenskum lögum nr. 41 2003. Á þessum lögum urðu nokkrar breytingar 21. nóvember 2023 eftir atvikið. Því miður er þessi þekking ekki auðveldlega tiltæk og ekki skylda. Samgöngustofu ber að halda skrá yfir löggilta hafnar- og leiðsögumenn og hafa þennan lista aðgengilegan fyrir skip sem koma til eða úr íslenskum höfnum. Samgöngustofa sér um að veita leiðsögumönnum leyfi og halda skrá yfir þá. Þetta hafði ekki verið gert með formlegum hætti og enginn opinber listi yfir leiðsögumenn er aðgengilegur, ekki heldur voru aðgengilegar upplýsingar um hvar mætti finna löggilta leiðsögumenn fyrir Íslandsmið,“ segir í skýrslunni.
Framfylgi samþykkt um meðferð farmanna
Nefndin ráðleggur útgerð flutningaskipsins, Wilson Ship Management AS, að framfylgja alþjóðasamþykkt um sanngjarna meðferð farmanna í kjölfar atvika sem þessara. Er vísað til þess að skipstjóri Wilson Skaw hafi neitað áhöfn um áfallahjálp.
Jafnframt er því beint til félagsins að efla samskiptin um borð, einkum í brú, með því að innleiða skipulagða samskiptaferla í gegnum svokallað BRM-kerfi (Bridge Resource Management).
/frimg/1/42/89/1428906.jpg)
„Of algengt að við séum að fara í svona útköll“
„Þakklæti var þeim ofarlega í huga“
3.300 MW í vinnslu fyrir vindorkuna
„Lyktaði eins og öskubakki“
Helsta sóknarfærið í elstu hópunum
„Er til bóta en búið að þynna það allt of mikið“
/frimg/1/49/95/1499579.jpg)
„Hættulegt“ að lauma stórum breytingum í gegn
Vægast sagt ósanngjarnt að tala um ekkert samráð