Britney sögð hafa skráð sig í meðferð í þriðja sinn

Fram kemur í erlendum fjölmiðlum að Britney Spears hafi skráð sig á meðferðarstofnun í þriðja sinn á innan við viku. Þetta gerist á sama tíma og fyrrverandi eiginmaður hennar, Kevin Federline, á að mæta fyrir dómara til þess að ræða forræðismál yfir börnunum þeirra tveimur.

Britney og Federline skildu í nóvember sl. en eru með sameiginlegt forræði yfir börnunum, þeim Sean Preston, sem er eins árs, og Jayden James, sem er fimm mánaða.

Federline hefur krafist þess að hann hljóti einn forræði yfir börnunum og að Britney muni greiða honum meðlag.

Britney, sem er 25 ára, skráði sig á Promises meðferðarstofnunina í Malibu á þriðjudaginn, en talið var að meðferðin hafi átt að standa yfir í mánuð.

• 3 blogg um fréttina

Bloggað um fréttina

• Snorri Bergz: Britney í meðferð í 3. skiptið á viku
• Brosveitan - Pétur Reynisson: Sjá fyrra blogg. Er þetta ekki svo satt hjá mér …
• Júlíus Garðar Júlíusson: Allt er þegar þrennt er